बेळगावात उत्तर मतदार संघात मुस्लिम मतदारांची नावे वगळण्याचा घाट 

बेळगावात उत्तर मतदार संघात मुस्लिम मतदारांची नावे वगळण्याचा घाट 

फॉर्म 7 मध्ये चा गैरवापर;बीएलओंवर स्वाक्षरीसाठी दबाव

बेळगाव: राजू कुंभार

कर्नाटकातील बेळगाव उत्तर विधानसभा मतदारसंघात मतदार यादीतून मुस्लिम मतदारांची नावे वगळण्यासाठी मोठ्या प्रमाणात ‘फॉर्म-७’ (Form-7) अर्जांचा वापर केला जात असल्याचा गंभीर प्रकार समोर आला आहे. बूथ लेव्हल अधिकाऱ्यांवर (BLOs) या अर्जांवर स्वाक्षरी करण्यासाठी दबाव आणला जात असल्याचा आरोप करण्यात आला आहे.

नेमकी घटना काय? याबाबत द हिंदू वृत्तपत्राच्या वेब आवृत्तीत बातमी प्रसिद्ध झाली आहे. यामुळे एकच खळबळ उडाली आहे.

बेळगाव उत्तर मतदारसंघातील वीरभद्र नगर (पोलिंग पार्ट १९४, १९५, १९६ आणि १९९) आणि शेट्टीगल्ली येथील सरकारी कन्नड उच्च प्राथमिक शाळा (पोलिंग पार्ट २०९ आणि २१०) या किमान सहा मतदान केंद्रांवर हा प्रकार घडला.

बेळगाव महानगरपालिकेचे कर्मचारी असल्याचा दावा करणाऱ्या दोन अज्ञात व्यक्तींनी या मतदान केंद्रांवर ‘आधीच प्रिंट केलेले’ (Pre-filled) फॉर्म-७ अर्जांचे गठ्ठे आणले. या अर्जांद्वारे केवळ मुस्लिम मतदारांची नावे यादीतून वगळण्याची मागणी करण्यात आली होती. यामध्ये मतदारांची माहिती आधीच छापलेली होती, तर हरकत घेणाऱ्यांची (Objectors) नावे हाताने लिहिलेली किंवा रिकामी ठेवण्यात आली होती.

अधिकाऱ्यांवर दबाव आणि खोटा ईआरओ (ERO)

बीएलओ (BLO) यांनी या अर्जांवर स्वाक्षरी करण्यास नकार दिला, कारण ज्या मतदारांची नावे वगळण्याची मागणी केली होती ते गेल्या अनेक वर्षांपासून तेथेच राहत असल्याचे बीएलओ यांना माहित होते.

अधिकाऱ्यांनी नकार दिल्यानंतर, त्या दोन व्यक्तींनी फोनवर एका व्यक्तीशी संपर्क साधून दिला. फोनवरील व्यक्तीने स्वतःची ओळख मतदार नोंदणी अधिकारी (ERO) उदयकुमार बसवंतप्पा तलावार अशी करून दिली आणि बीएलओंना अर्जांवर तात्काळ स्वाक्षरी करण्याचे निर्देश दिले.

मात्र, ‘द हिंदू’शी बोलताना ईआरओ उदयकुमार तलावार यांनी स्पष्ट केले की, “माझ्या नावाचा गैरवापर केला गेला असून मी असे कोणतेही निर्देश दिले नव्हते.”

स्थानिक प्रतिनिधी आणि नागरिकांचा विरोध

वीरभद्र उर्दू मॉडेल स्कूलमधील बीएलए (BLA) मीरसाब सनाडी यांनी सांगितले की, “मी गेल्या १५ वर्षांपासून येथे काम करत आहे. जेव्हा मी शाळेत तब्बल ३८० फॉर्म-७ अर्ज पाहिले, तेव्हा त्यात माझे, माझ्या भावाचे, नातेवाईकांचे आणि शेजाऱ्यांचे नाव वगळण्याची मागणी पाहून मला धक्का बसला.”

स्थानिक नागरिकांनी आणि बीएलएंनी बेळगाव उत्तरचे आमदार आसिफ सेठ यांच्याशी संपर्क साधण्याचा प्रयत्न केला. आमदार अधिवेशनात असल्याने त्यांच्याशी संपर्क होऊ शकला नाही, मात्र त्यांचे सुपुत्र आणि काँग्रेस कार्यकर्ते अमान सेठ घटनास्थळी पोहोचले. अमान सेठ यांनी त्या दोन व्यक्तींकडे चौकशी केली असता, आधी त्यांनी महानगरपालिकेचे कर्मचारी असल्याचे सांगितले आणि नंतर डॉ. रवी पाटील रुग्णालयातून आल्याचा दावा केला.

या घटनेमुळे परिसरात तीव्र असंतोष पसरला असून दोषींवर कडक कारवाई करण्याची मागणीकेली जात आहे

Advertise…..