दीड किलो मीटर पळा, सरकारी नोकरी मिळवा!
खानापूर: वर्षा कुंभार
वर्षानुवर्षे नोकरीच्या शोधात असणाऱ्या व दहावी पास झालेल्यासाठी कर्नाटक राज्य शासन सुवर्ण संधी देत आहे. कोणतीही लेखी परिक्षा देता पुरुषाला दीड (१.६) कि.मी तर महिलांना एक कि.मी धावणे पूर्ण करावे लागेल तरच ही सरकारी नोकरी मिळविता येते.
कर्नाटक वन विभागाने फॉरेस्ट वॉचमन ( वन निरीक्षक)या गट-ड संवर्गातील 675 पदांसाठी मोठ्या भरती मोहिमेची घोषणा केली आहे. अधिसूचनेनुसार, या पदांसाठी ऑनलाईन अर्ज करण्याची अंतिम मुदत वाढवण्यात आली असून, अधिकृत KFD भरती पोर्टलवर 30 सप्टेंबर 2026 पर्यंत अर्ज करता येणार आहेत.केवळ एसएसएलसी उत्तीर्ण असलेल्या उमेदवारांसाठी ही एक महत्त्वाची संधी मानली जात आहे, कारण यंदा विभागाने कोणतीही लेखी स्पर्धा परीक्षा न घेण्याचा निर्णय घेतला आहे.
या भरतीसाठी पात्र होण्यासाठी उमेदवाराने मान्यताप्राप्त राज्य किंवा केंद्रीय मंडळातून एसएसएलसी (दहावी)परीक्षा उत्तीर्ण केलेली असणे आवश्यक आहे. शैक्षणिक पात्रतेसोबतच उमेदवाराला कन्नड भाषा वाचता, लिहिता आणि बोलता येणे बंधनकारक आहे. वयोमर्यादेचा विचार करता, किमान वय 18 वर्षे निश्चित करण्यात आले असून, सर्वसाधारण प्रवर्गासाठी कमाल वयोमर्यादा 35 वर्षे आहे. तर 2A, 2B, 3A आणि 3B प्रवर्गातील उमेदवारांसाठी ही मर्यादा 38 वर्षांपर्यंत, तर अनुसूचित जाती, अनुसूचित जमाती आणि प्रवर्ग-1 मधील उमेदवारांसाठी 40 वर्षांपर्यंत शिथिल करण्यात आली आहे.
निवड प्रक्रिया पूर्णपणे गुणवत्ता आणि शारीरिक तंदुरुस्तीवर आधारित असणार आहे. पहिल्या टप्प्यात एसएसएलसी परीक्षेत मिळालेल्या गुणांच्या आधारे उमेदवारांची गुणवत्ता यादी तयार करून त्यांची निवड केली जाईल. त्यानंतर निवड झालेल्या उमेदवारांना शारीरिक मानक चाचणीला सामोरे जावे लागेल, ज्यामध्ये उंची, पुरुष उमेदवारांसाठी छातीचे माप, महिला उमेदवारांसाठी वजन आणि दृष्टीची मानके तपासली जातील. यानंतर शारीरिक क्षमता चाचणी घेतली जाईल, ज्यात पुरुष उमेदवारांना सात मिनिटांत 1600 (1.6किलो मीटर) मीटर धावणे पूर्ण करावे लागेल, तर महिला उमेदवारांना सहा मिनिटांत 1000 मीटर(1की मी)धावणे पूर्ण करावे लागेल. अधिकृत मार्गदर्शक तत्त्वांनुसार लांब उडी आणि गोळाफेक यांसारख्या अतिरिक्त क्रीडा प्रकारांचाही या चाचणीत समावेश असू शकतो. अंतिम टप्प्यात मूळ शैक्षणिक, वय आणि जात प्रमाणपत्रांची पडताळणी तसेच वैद्यकीय तंदुरुस्ती तपासणी केली जाईल.
विभागाने सर्व पात्र आणि इच्छुक उमेदवारांना शेवटच्या क्षणी उद्भवणाऱ्या तांत्रिक अडचणी टाळण्यासाठी आपले अर्ज लवकरात लवकर सादर करण्याचे आवाहन केले आहे.
टीप: या नोकरीच्या इतर माहितीसाठी व अर्ज भरण्यासाठी हॉटेल भीमगड च्या बाजूला असणाऱ्या सुपरनेट डिजिटल सर्व्हिस (सायबर कॅफे) ला भेट द्यावी.
Advertise
